Partitiboa

PARTITIBOA zer den, haren ezaugarriak zein diren eta noiz eta nola erabili behar den erakusten da, ikus-entzunezko baten bitartez zeinetan azalpen teorikoak eta egoera antzeztuak bildu baitiren.

Partitiboa -(r)ik

Izen-sintagma partitiboak lau perpaus-motatan erabiltzen dira:

  • Ezezkoetan (Ez dut astirik horretarako),
  • Galderetan (Kaferik nahi al duzu?)
  • Baldintzazkoetan (Laguntzarik behar baduzu, deitu)
  • Baiezkoetan (Zuberoan bada mutil ederrik!).

Lehendabiziko hiru kasuetan ez da arazorik, baina bai baiezko perpausetan. Horri buruz hau dio arauak: «baiezko perpausetan partitiboa erabil badaiteke ere, enfasi mugatuetara bakarrik murriztu behar da, testuinguru berezietara, alegia».

Halako baiezko perpausetan, galdegaia baietza da, eta, normalean, izenak adjektibo bat izaten du berekin.