Kontzesioa

Perpaus kontzesiboak perpaus nagusiko ekintza gertatu ahal izateko dagoen oztopoa edo zailtasuna adierazten du; hala ere, oztopo hori ez da nahikoa perpaus nagusiko ekintza bete ez dadin.

Adibidez: Aurrelariak gola sartu du, ‘atezainak baloia gelditzeko ahalegina egin duen arren’.

Perpaus kontzesiboan, baloia bere atean sar ez dadin, atezainak jarri duen ‘oztopoa’ adierazten da; baina ez da nahikoa izan, azkenean aurrelariak gola sartu baitu.

EPD-MENDERAKUNTZA-2-kontzesioa

PERPAUS KONTZESIBOAK

Perpaus kontzesiboak perpaus nagusiko ekintza gertatu ahal izateko dagoen oztopoa edo zailtasuna adierazten du; hala ere, oztopo hori ez da nahikoa perpaus nagusiko ekintza bete ez dadin.

Adibidez:

  • Aurrelariak gola sartu du, atezainak baloia gelditzeko ahalegina egin duen arren.

Perpaus kontzesiboan, baloia bere atean sar ez dadin, atezainak jarri duen ‘oztopoa’ adierazten da; baina ez da nahikoa izan, azkenean aurrelariak gola sartu baitu.

ARREN

Aditz laguntzailea erabili gabe: (… arren)

Baiezko esaldietan:

  • Negua izan arren, eguraldi ona daukagu.

Ezezko esaldietan:

  • Dirurik ez eduki arren, oparia ekarri dio.
Aditz laguntzailearekin: (… -n arren)

Baiezko esaldietan:

  • Argi guztiak piztu dituzten arren, ez da ondo ikusten.
  • Leihoak ixten ditugun arren, autoen zarata entzuten da gure etxean.

Ezezko esaldietan:

  • Ikusi ez dudan arren, badakit nolakoa den.
Aditz laguntzailea erabili gabe: (nahiz eta …)

Baiezko esaldietan:

  • Nahiz eta gutxi jan, lodi dago.

Ezezko esaldietan:

  • Nahiz eta partidua ez irabazi, zoriondu egin dugu.
Aditz laguntzailearekin: (nahiz eta … -n)

Baiezko esaldietan:

  • Nahiz eta soldata igo diguten, oraindik gutxi irabazten dugu

Ezezko esaldietan:

  • Nahiz eta gehiegi gustatzen ez zaidan, jan egingo dut
BA…ERE, Ezezko esaldietan: Aditz laguntzailearekin beti ( … ba-… ere)

Baiezko esaldietan:

  • Gezurra dela ematen badu ere, egia da.

Ezezko esaldietan:

  • Ezer esaten ez baduzu ere, badakit zer ari zaren pentsatzen

GAILUAK

Goiko ikusentzunezkoetan ikasitakoa sakontzeko jolas bat.