Ondorioa

Eguneroko bizitzan ikusten dugu ekintza batek edo gertaera batek beste zerbait ekartzen duela ondoren, gauza batzuetatik ondorioak sortzen direla.

Beste batzuetan, guk geuk “ateratzen” ditugu ondorio horiek, entzun dugunetik, adibidez, edo geure buruan darabilzkigun gogoetak kateatzetik.

EPD-MENDERAKUTZA-5-kontsekutiboak

Ondorio-perpausak (kontsekutiboak)

Sarri agertzen dira itzulpenetan horrelako esaldiak:
**Era tan grande que…,

**fuimos tan lejos que….,

**estaba tan despistado que…

Esaldiok hurrengo egituraren bidez euskaratu daitezke:
HAIN …. EZEN …. BAIT-

  • Hain handia zen, ezen bost kilometrora ikus baitzitekeen.
  • Hain urrun joan ginen, ezen ilundu egin baitzitzaigun.
  • Hain despistatuak ziren, ezen euritako guztiak galtzen baitzituzten.

Adibide hauetan, bi perpaus ditugu eta bigarrena lehenengoaren ondorioa dugu.

Hainbeste … non/ezen/… -n

**Hain hitzaren ordez, **honen eta **horren ere erabil daitezke.

Era berean, **hainbeste erabili ordez, **honenbeste eta **horrenbeste ere erabil daitezke.

Adibidez,

  • Honen nekatuta nengoen, ezen ez baineukan ezertarako gogorik.
  • Atzo horren lanpetuta ikusi zintudan, non ez bainintzen ezer esatera ausartu.
  • Honenbeste haserretu nintzen, ezen pikutara bidaltzeko zorian egon bainintzen.
  • Zu uretara jausi zinenean, horrenbeste beldurtu zinen, non negarrez hasi baitzinen.