HTML: egitura
Egiturazko elementuak
Atariko kapituluan aipatu dugun bezala, HTML elementuek zuhaitz moduko egitura bat osatzen dute, elementua sustraitzat hartuta. Egitura horrek antolamendu-maila ugari ditu, eta elementu batzuk dokumentuaren atal orokorrak definitzeaz arduratzen dira, eta beste batzuk atal txikiak edo edukia irudikatzeaz. Hauek dira egituraren bizkarrezurra definitzeko eta nabigatzaileak orria pantailan erakusteko behar duen informazioa emateko erabilgarri dauden elementuak:
Dokumentu mota
Gure dokumentuen edukia HTML kode gisa behar bezala interpretatzen dela ziurtatzeko, fitxategiaren hasieran erantsi behar dugu adierazpena. Adierazpen hori HTML etiketen antzekoa da, eta dokumentu bakoitzaren hasieran eskatzen da, nabigatzaileari web-orria nola sortu behar duen erabakitzen laguntzeko. HTML5ekin programatutako dokumentuen kasuan, deklarazioak html atributua barne hartu behar du, hurrengo adibidean definitutakoaren arabera.
<!DOCTYPE html>
GARRANTZITSUA: adierazpenaren ildoa dokumentuaren lehen lerroa izan behar da, inolako espazio edo koderik gabe. Horrek modu estandarra aktibatzen du, eta nabigatzaileak HTML5 interpretatzera behartzen ditu, ahal denean, edo, bestela, alde batera uztera.
Oinarrizkoa: HTML5en sartutako elementu eta atributu batzuk ez daude eskuragarri Internet Explorer bezalako nabigatzaile zaharretan. Elementu horiek edo HTML5ek sartutako beste funtzio batzuk zein nabigatzailek inplementatzen dituzten jakiteko, bisitatu www.caniuse.com. Webgune horrek HTML5en eskuragarri dauden elementu, atributu, CSS propietate eta JavaScript kode guztien zerrenda eskaintzen du, horiek onartzen dituzten nabigatzaileekin batera.
- <html></html>—— Elementu honek HTML kodea mugatzen du. Dokumentuaren edukiaren hizkuntza definitzeko lang atributua sar dezake.
- <head></head>—— Elementu hau web orria konfiguratzeko behar den informazioa definitzeko erabiltzen da, hala nola, izenburua, karaktereen kodetze mota eta dokumentuak eskatzen dituen kanpoko fitxategiak.
- <body></body>—— Elementu honek dokumentuaren edukia mugatzen du (orrialdearen ageriko zatia).
Dokumentu mota adierazi ondoren, zuhaitz motako egitura eraiki behar dugu HTML elementuekin, <html></html> elementuarekin hasita. Elementu horrek lang atributua izan dezake, orriaren edukia zein hizkuntzatan idatziko dugun adierazteko, hurrengo adibideak erakusten duen bezala.
<!DOCTYPE html>
<html lang="es">
</html>
Oinarrizkoa: lang atributurako hainbat balio daude, eu euskararako (Basque language), en ingeleserako, es espainierarako eta fr frantseserako, besteak beste. Zerrenda osoa daukazue helbide honetan:
https://en.wikipedia.org/wiki/List_of_ISO_639-1_codes
<html></html> etiketen artean txertatutako HTML kodea bi atal nagusitan banatu behar da: head (burua) eta body (gorputza).
Jakina, <head></head>-a lehenengo doa eta, gainerako egiturazko elementuak bezala, irekiera- eta itxiera-etiketek osatzen dute.
<head></head>
<!DOCTYPE html>
<html lang="es">
<head>
</head>
</html>
<head></head> etiketen artean, web-orriaren izenburua definitzen dugu, karaktereen kodetze mota adierazten dugu, dokumentuari buruzko informazio orokorra ematen dugu, eta orria sortzeko beharrezkoak diren estiloak eta kodeak dituzten kanpoko fitxategiak sartzen ditugu. Izenburuaren eta ikonoen kasuan izan ezik, etiketa horien artean txertatutako gainerako informazioa ezin da ikusi erabiltzailearentzat.
<body></body>
<!DOCTYPE html>
<html lang="es">
<head>
</head>
<body>
</body>
</html>
<body></body> etiketen artean HTML dokumentuaren antolaketa nagusia idazten da. Horixe da, hain zuzen ere pantailan ikusiko dena.
Oinarrizkoa: aipatu dugun bezala, HTML egitura zuhaitz gisa deskriba daiteke, <html></html> elementua sustraitzat hartuta, baina elementuen arteko harremana definitzeko beste modu bat guraso, seme-alaba edo anai-arreba gisa deskribatzea da, egituran duten posizioaren arabera.
Adibidez, HTML dokumentu tipiko batean <body></body> elementua <html></html> elementuaren semea eta <head></head> elementuaren anaia da. Biek, <body></body>k eta <head></head>ek, <html></html> elementua bere aitatzat dute.