Kausa

Kusazko perpausekin gertatu den, gertatu zen edo gertatuko den zerbaiten gaineko zergatia edota azalpena agertu nahi izaten da.

EPD-MENDERAKUTZA-4-kausa

-(e)LAKO

-(e)LAKO egiturak, adibidez, zergatik? galderari erantzuten dio eta kausazko egituren artean berau dugu kausaltasuna modu zuzenenean adierazten duena.

  • Zergatik bota du? >>> Ustela zegoelako bota du

-NEZ GERO / -NEZ egiturak -lako egituraren antzekoak dira, baina kausaltasun indar gutxiago dute. Menpeko perpausaren ondoren koma jartzen da

  • Eguraldi txarra egiten duenez gero, etxean geratuko gara

-LA ETA, -LA BIDE / -LA KAUSA / -LA MEDIO

-LA ETA egiturak zer dela eta? galderari erantzuten dio, eta normalean -lakok baino kausaltasun ahulagoa adierazten du.

  • Zer dela eta ez zarete etorri?
  • Lan asko dagoela eta, laguntza eske deitu digute

-LA BIDE / -LA KAUSA / -LA MEDIO egiturak -LA konpletiboaren gainean eraikita daude bide, kausa eta medio hitzak gehituz.

  • Krisialdia dela kausa, oso zaila da lana aurkitzea
  • Lege berria dela medio, istilu asko sortu dira
  • Errepideen egoera txarra dela bide, istripu asko gertatu dira

T(Z)EAGATIK / T(Z)EARREN kausaltasun esanahi handia dute eta zergatik galderari zuzen erantzuteko balio dute.

  • Zergatik zigortu duzu? Hitz egiteagatik. Hitz egitearren
  • Nirekin ez joateagatik gertatu zaizu hori

ETA eta BAIT-

ETA eta BAIT- egiturak hau oso erabilia dira baieztapen baten ondoren argibideak emateko. ETA perpausaren amaieran kokatzen da, BAIT- ,ordea, menpeko aditzaren aurrean.

  • Busti egin da, euria ari zuen eta
  • Gaindituko dugu, ez baitago gu baino hoberik