Aditza izen

Aditz-izena zer den eta nola erabili behar den agertzen da atal honetan.

Aditzak, izen bilakaturik, hartu ohi dituen deklinabide kasuak aztertzen dira: (Zer. Zerk. Zeri. Zeren. Zerekin. Zertan. Zertaz. Zertatik.Zertara. Zertaraino. Zertarako. Zergatik.).

Bukatzeko Aditz-izenaren beste erabilera batzuk ere aztertzen dira.

AB-jokatu-gabeak-III

ADITZ-IZENA ZER DEN

Aditz perifrastikoetako aditz nagusiak lau molde (edo aditz-izenki) ditu, eta horietako bat da aditz-izena: (etortze, aztertze, hiltze, esate)

Aditzoinari -t(z)e erantsiz lortzen da aditz-izena:

jasotze[n], etortze[n], jaikitze[n], jate[n]… (→ aditzoina).

MENDERAKUNTZA

Aditz-izena menderakuntza-bide aberatsa du euskarak; giltzarri ezinbestekoa du perpaus jokatugabeak osatzeko:

  • Ogia erostera joan da.
  • Alkohola edateak ez du onik egiten.
  • **-Etortzean esango dizut.
  • Bi liburu eman dizkit irakurtzeko, etab.

KOMUNZTADURA

Ez dira zuzenak **-Agiriak ekartzea ahaztu zaizkit eta gisako esaldiak (> Agiriak ekartzea ahaztu zait).

Horrelakoetan, objektu plurala aditz-izenarena da (ekartzea… agiriak), ez aditz nagusiarena.

Aditz nagusiaren objektua aditz-izenaren ekintza —singularrean doa— eta haren osagarriak dira (ahaztu… ekartzea).

Akats bera du esaldi honek ere: **-Informatikako programa horiek badakizkit erabiltzen (> Badakit informatikako programa horiek erabiltzen).