Zehar galdera

Perpaus txertatu mota hauei zehar-galdera baderitze ere, gehienetan ez dira benetako galderak izaten. Izan ere, galdera informazio-eskea bada, **Zenbat urte nituen galdetu zidan. (ZER galdetu zizun?).

Perpaus horretan, GALDETU aditz nagusiaren osagarria, jakina, galdera bera da, galderak galdetzen baitira. Baina beste bi hauetan:

  • Ez dakit noiz etorriko naizen. (ZER ez dakizu?)
  • Ez dit esan etorriko den. (ZER ez dizu esan?)
JAKIN eta ESAN aditzen osagarriak ez dira egiazko galderak, ez dira egiazki informazio-eskariak.
EPD-MENDERAKUTZA-3-zehar-galdera

-(e)n

Mendeko perpausean galdera edo zalantza dagoenean, zehar-galdera erabili ohi da. Ez du axola perpaus nagusia baiezkoa,ezezkoa nahiz galderazkoa izatea. Beti mendeko perpausak agintzen du, eta hau galdera edo zalantza bada, -N edo bere aldagairen bat erabili beharko dugu.

  • Batek daki bizirik ote dagoen.
  • Kontuz nori esaten diozun.
  • Ba al dakizu nor datorren?
  • Oraindik ez dizut esan zer pentsatzen dudan.

Zati-galderetan (galdetzailea dutenak), eta perpaus nagusia falta denean edo agintezkoa denean, maiz ea jartzen da mendeko perpausaren aurrean.

  • Ea nork laguntzen didan hau egiten.
  • Begira ezazu ea ondo dagoen.
  • Ea isiltzen zaren!

-(e)n ala ez / -(e)nentz

Zehar-galderaren aldagai dira hauek, eta baietza edo ezetza indartzeko dira.

  • Oraindik ez dakigu egingo dugun ala ez.
  • Oraindik ez dakigu egingo dugunentz.