Erlatiboa

Perpaus erlatiboak euskal sintaxiaren ardatzetako bat dira. Izan ere, beste hainbat mendeko perpaus (denborazkoak, moduzkoak, etab.) osatzeko, euskarak perpaus erlatiboak baliatzen ditu.

Lehenengo atalean, perpaus erlatiboak zertan dautzan azalduko dugu.

Jarraian, perpaus erlatibo motak banan-banan aztertuko ditugu: -n erlatiboa / zein/non erlatiboa / bait- erlatiboa / Korrelazioz moldatutako erlatiboa.

Aurrekaririk gabeko izenordain edo adberbio galde-jatorridunen bidez sorturiko erlatiboa / Aditz jokatugabedun erlatiboa.

EPD-MENDERAKUTZA-3-erlatiboa

Erlatibozko esaldiak.

Erlatibozko esaldiak izenlagunaren funtzioa betetzen duten perpausak dira. Hona hemen erlatibozko egiturarik ohikoenak:

  • • -(e)N
  • • -(e)NEKO
  • • -TAKO / -RIKO
  • • ADITZ PARTIZIPIOA
  • • ZEIN(a)… BAIT-
  • • BAIT-
  • • Erlatibozko zenbait esapide

-(e)N

Hauxe dugu gehien erabiltzen den egitura.

  • • Zure ondoan dagoen mutila nire anaia da. (zure ondoan dagoena nire anaia da)
  • • Gaur etorri ez den neska nire ahizpa da. (gaur etorri ez dena nire ahizpa da)
-(e)NEKO

Egitura hau lekua zein denbora adierazteko erabiltzen da soilik.

  • • Hauxe duzu ni txikitan bizi nintzeneko etxea. (lekua: etxea)
  • • Oroitzen zara Urbasan galdu gineneko egun hartaz? (denbora: eguna)

-TAKO / -RIKO

Egitura hau ekintza burutuak adierazteko erabiltzen da soilik.

  • • Orain arte egindako guztiak ez du ezertarako balio.
  • • Hori berak asmaturiko zerbait da.
ADITZ-PARTITZIPIOA

Egitura hau iparraldean erabili ohi dute ekintza burutuak adierazteko.

  • • Amak eman diru guztia gastatu duzu? (iparraldeko ohitura)
  • • Zer deritzozu berak esanari?

LANBIDEAK

Erlatibozko esaldiak maiz erabiltzen dira lanbideak deskribatzeko. Atal honetan jolas bat roposatzen dizugu erlatiboa lantzeko.